Hukumatimiz tomonidan aholi turmush darajasini yaxshilash hamda fuqarolar uchun ijtimoiy soha ob’ektlarida yanada qulayliklar yaratish maqsadida tizimli ishlar olib borilmoqda.
Bugun Nurobod tumani hokimi, 1-sektor rahbari S.Berdiqulov Oqsoy mahallasidagi Oilaviy shifokorlik punkti, Sazag‘on mahallasidagi tuman tibbiyot birlashmasining hududiy bo‘limida bo‘lib, davolanayotgan bemorlar uchun yaratilgan shart-sharoitlar, qish mavsumini betalafot o‘tkazish bo‘yicha ko‘rilgan chora-tadbirlar bilan yaqindan tanishdi.
Shuningdek, tuman rahbari Oqsoy mahallasidagi 14-sonli maktabgacha ta’lim tashkilotida bo‘lib, u yerda tarbiyalanayotgan bolajonlar uchun yaratilgan qulay sharoitlar, MTTning qish mavsumiga tayyorgarlik holati, sanitariya-gigiyena qoidalariga rioya qilinishi, xonalar isitilish darajasi bilan tanishib, aniqlangan muammo va kamchiliklarni bartaraf etish yuzasidan tegishli chora-tadbirlar belgilandi.