Нуробод туманида “Ёшлар ойлиги” доирасида “Янги Ўзбекистон ёшлари, бирлашайлик!” шиори остидаги лойиҳалар давом этмоқда.
Бугун Нуробод тумани марказида туман ҳокимлиги, Ёшлар ишлари агентлиги туман бўлими, “Ватанпарвар” ташкилоти тасарруфидаги туман ўқув-спорт техника клуби ҳамда Ёшлар иттифоқи туман Кенгаши ҳамкорлигида нурободлик ёшлар иштирокида “Ёшлар веломарафони” ўтказилди.
Веломарафон ғолиблари ва фаол қатнашчилари туман ҳокимлигининг диплом ҳамда эсдалик совғалари билан тақдирланди.