Нуробод тумани ҳокимлиги Ахборот хизматининг муносабати

Жорий йилнинг 11 март куни “Samarqand viloyat teleradiokompaniyasi”нинг Телеграм мессенджеридаги “SamTVR Group” номли гуруҳида “Кун фотоси” рукни остида “Нуробод бекатлари ...2020 йил” номли фотолавҳали мақола эълон қилинган эди.

Туман ҳокимлиги томонидан тузилган ишчи гуруҳ томонидан мазкур фотолавҳали мақолада келтирилган ҳамда тумандаги бошқа таъмирлаталаб бекатлар ўрганиб чиқилди.

Нуробод туман Йўллардан фойдаланиш унитар корхонасига қарашли Республика аҳамиятидаги 4Р-53 “Нуробод-Нурбулоқ-Иштихон” автомобил йўлининг 12-13 км оралиғидаги автобекатни жорий тамирлаш ишлари 2020 йил Давлат дасдури асосида бажарилиши белгиланган.

Шунингдек, Республика аҳамиятидаги 4Р-52 “Сарикул-Улус-Нуробод-Навоий” автомобил йўлининг 37-38 км оралиғидаги ва махаллий  аҳамиятдаги 4Н-53 “Шурча-Нурдум-Жарқудуқ” автомобил йўлининг 10 км, 20 км, 31 км қисмида жойлашган автобекатларни жорий таъмирлаш ишларини Давлат дастурига киритиш режалаштирилганлигини маълум қиламиз.