Махсус имкониятлар
Нуробод тумани ҳокими Ф.Заиров Омандара маҳалласидаги 20-мактабнинг юқори синф ўқувчиларига ўзининг ҳаётий тажриба ва кўрикмалари, ҳаётда адашмаслик ва тўғри йўлни топиш тўғрисида дарс ўтди.
- Ҳаётнинг маъноси орзу-ниятлар сари интилишдир. Шон-шавкат, обрў ва бошқа барча-барчаси мақсад сари интилганникидир. Мен аниқ биламанки ҳар бир кишида ва умуман ҳаммада ҳам маълум мақсад бўлади, шу мақсади инсонларни етукликка олиб чиқади. Сизлар ҳам бугундан, ҳозирдан ўз олдингизга улкан мақсадларни қўйинг. Олдингизга қўйган мақсадингизга эришиш учун эса тинмай ўқиб изланинг – деди туман раҳбари.
Шунингдек, туман ҳокими дарс жараёнида ўқувчилар билан фикр алмашди, дилдан суҳбатлашди. Уларни қийнаётган муаммоларни ҳал этиш, пухта билим олишлари учун зарур ҳар қандай ёрдамни кўрсатишга тайёр эканлигини билдирди.
Ўқувчи ёшларни ўзлари танлаган соҳанинг етук мутахассиси бўлиб, турли иллатларга қарши курашда, юрт равнақи йўлида фидойи ва фаол бўлишга чақирди.
