“Энг намунали Сардорлар Кенгаши” танловининг туман босқичи ўтказилди.

Ўзбекистон ёшлар иттифоқи Нуробод тумани Кенгаши қошидаги “Камалак” болалар ташкилотининг 2019 йилга мўлжалланган иш режасига мувофиқ Сардорлар Кенгаши аъзоларининг фаолиятини қўллаб-қувватлаш, ижодий ва интеллектуал, етакчилик ва ташаббускорлик қобилиятлари, эришган ютуқлари ва тажрибаларини оммалаштириш мақсадида “Энг намунали Сардорлар Кенгаши” танлови ташкил этилди. Мазкур танловнинг синф босқичидан ғолибликни қўлга киритган жамоалар туман босқичида ўз иқтидорларини синовдан ўтказишди. Юқори савияда ташкил этилган “Энг намунали Сардорлар Кенгаши” танловининг (8-11-синф “Иттифоқ”) туман босқичи якунига мувофиқ тумандаги умумий ўрта таълим мактабларининг энг намунали синф Сардорлар Кенгашлари аниқлаб олинди.

Ҳакамлар ҳайъати хулосасига кўра танловнинг туман босқичида 1-ўринни 11-умумий ўрта таълим мактабининг “Келажак бунёдкорлари” жамоаси, 2-ўринни 45-мактаб “Китобхон” жамоаси, 3-ўринни 75-мактабнинг “Иттифоқ юлдузлари” жамоалари қўлга киритди. Танловнинг туман босқичи ғолиби 11-умумий ўрта таълим мактабининг “Келажак бунёдкорлари” жамоаси вилоят босқичида иштирок этиш ҳуқуқини қўлга киритишди. Ғолиблар Ўзбекистон ёшлар иттифоқи Нуробод тумани Кенгашининг диплом ва эсдалик совғалари билан тақдирланди.